Kenal Paris Hilton Melalui Face Book

Setangar ia paney ngapes book, Pak Ayie Ayie dah annak ingat ka bolog nyian. Antah jamaea katohea ia tatanang ka tahi daam mangkok jamban ang annak dangan flash, lalu ingat ia ka curita bini ea ngaepet tahi sak ia amok waktu musim bauma dok iea. Lalu ingat lah Pak Ayie Ayie ka bolog kay nyian. Ka cucuk ka cucuk nya ka key board komputer anak ea ngagoiek bolog "pakayieayie". Tah jamaea nya ar lalu dapat mukak bolog koa. Takijik nya ar nanang muha ea. Tapi...masalah besar!! Pak Ayie Ayie annak ingat password ea. Lalu lah Pak Ayie Ayie ka cucuk ka cucuk, ka torek ka torek agik ka key board komputer koa. Annak ingat ka password bolog kay. Tangka dadah Pak Ayie Ayie nyian. Nyupanie manusia. Kalalah. Faedah dehek mati..nyamulak bangsa!!

Samak tigabelas jam nya ar karotek karotek bagago pass word koa. Ang bato ea urang bodo bodo nyian, ia annak paney berputus asa. "Tangka manusia ang mijawat bolog nyian," ja Pak Ayie Ayie ngarunggut ka dirik ea. "Cuba lah mijawat spare password, aya spare key kereta!"

Antah jamaea nya ar kagaruk kagaruk ka kepala ea, lalu ...jeng jeng jeng...tiba tiba ingat nya ar ka password koa. Mia agik ba asa ea Pak Ayie Ayie tamak ka daam bolog ea koa. Pintu dah terbuka..Dah ama annak tamak ka daam ea..Bukannya Pak Ayie Ayie sibuk keraja atau sibuk bagagok duit!! Pak Ayie Ayie kaupaan password ea!!

Kaniak nyain Pak Ayie Ayie dah moden O. Dah paney ngapes book. Dah paney add add ka dangan ang disea kanali. Kadang kadang ada ugak ia add taino ang annak dikenali. Tuah tuah ea dapat kenalan barahu. Maklumlah, Pak Ayie Ayie kan jenis manusia gata. Faham faham jak lah..

Maea nahuie? Tiba tiba kana add Paris Hilton! Huh...bukan senang dapat berkenalan ngan Paris Hilton. Dahlah kuit ea putih aya kuit anak Pak Saloi ang bapak ea nyalor ngan aik angat arikoa. Tapi anak Pak Saloi mati kana salor. Paris Hilton masih idup. Mia agik ba Pak Ayie Ayie..

Hotel free..Hotel Hilton. Kapal terbang free. Tarabang ka sia kanauun ngan Paris Hilton.. Waduh..Daam kapal terabang koa kahea Pak Ayie Ayie ngan Paris Hilton berseorangan..Mia agik ba Pak Ayie Ayie gata..maok jantok gigi ea sebab aik iur ea maok kauar. Sampe ngaiur Pak Ayie Ayie nanang Paris Hilton nyamaki ia..Mengelatar jari jemari ea..Maklumlah...berkenalan ngan Paris Hilton melalui Face Book!!!

Pak Ayie Ayie memberanikan dirik ea. Ia nyameh kokot Paris Hilton..Paris Hilton pun malu malu sambil muha ea nanang ka uas melalui ceramin belon.. Kahea awan ang garik..

"Paney malu ugak urang putih nyian..", fikir Pak Ayie Ayie. Ia sangka Salako ajak ang paney malu malu kucing..Rupa rupa ea, urang putih pun jakoa ugak.

Pak Ayie Ayie pun lebih berani...ia ngaakok ambini koa seaadanya. PRAKKK!!!!!

Bakachapek kokok Pak Ayie Ayie kana tampar. Rupa rupa ea ia bamimpi agik. Kaniak ia ngaakok bini ea sendirik tapi nyabut dama Paris Hilton! Bakachapak nya ar di bini ea nampar.